قصيدة الثورة خيار الشعب /شريف ذهب

## قصيدة الثورة خيار الشعب ##
يا الواقف في صف الرغيف راجي الفرن الفاضي
أما تكون داقس أو أنو رأسك يكون فاضي
كرامتك مدهوسة في التراب والمذلة عندك بقت عادي
إما تبادر تقود الموكب ولا تزيح للنشامى تبقى غادي
اللهيب الجوه الفرن أشعل دواخلي وأعاد لي صوابي
كم زول وزولة مصليِّة بالحُرقة من أوجاع بلادي
أطفال تغرق في الموية من إهمال الدولة البقت مافي
ترميها للموج الهائج بدل ما تكون ليها الملاذ والحضن الدافئ
هموم كتيرة شاغلة البال لكن.. الوقت ليها بقى مافي
الثورة خيار الشعب ولا أقول ليك … أشبع نومتك
ما المذلة عندك بقت عادي،، ما المذلّة عندك بقت عادي
شريف ذهب